ആന്ധ്യം

ആന്ധ്യം
സലീം കൂട്ടായി , ജിദ്ദ
----------------------------

അന്ധന്‍ ഞാനൊരന്ധന്‍
ചരാചരങ്ങളും ഭാവനയില്‍ കാണാത്തൊരന്ധന്‍
വളവും തിരിവും നേരും നെറിയും
അകംപുറവും തിരിച്ചറിയാത്തൊരന്ധന്‍
ഇരുളും വെളിച്ചവും നിഴലിനും
പിടി കൊടുക്കാത്തൊരന്ധന്‍
ധര്‍മവുമധര്‍മവും കൊമ്പ് കോര്‍ക്കുമ്പോള്‍
സ്പര്‍ശിച്ചറിയാത്തൊരന്ധന്‍
അകളങ്കമനസ്സിനംഗഭംഗി
അറിയാത്തൊരന്ധന്‍
അങ്ങാടിപ്പെണ്ണും അങ്ങാടിപ്പാട്ടും 
തിരിച്ചറിയാത്തൊരന്ധന്‍
എങ്കിലും ഞാനല്ലൊരന്ധന്‍
അകമലരിന്‍ അകക്കണ്ണില്‍
സര്‍വതും കാണുന്നൊരന്ധന്‍
കണ്ണുള്ലോര്‍ക്കറിയില്ല
കണ്ണിന്‍ മഹത്വമന്ധനറിയാം
ഈ കണ്ണിന്‍ ദുഃഖം


Published in Malayalam News, Jeddah on Sunday, November 27, 2011.