ബലിദാനം

സലീം കൂട്ടായി , ജിദ്ദ 
---------------------
ഇഹ് റാമെന്ന
തൂവെള്ള വസ്ത്രം
അണിഞ്ഞു ഞാന്‍
ഇസ്ലാമിന്‍
പഞ്ചസ്തംഭം
നിറവേറ്റാന്‍
മനസ്സും ശരീരവും
ലബ്ബൈക്കയില്‍
ലയിച്ചീടുന്നു
കാരുണ്യവാനെ
പോരുതീടന്നെ
പാപത്തിന്‍
കയത്തിലാണ്ട എന്നെ
വെള്ളരിപ്രാവിന്‍ ശുദ്ധിയേകാന്‍
മനസ്സിടറി കേഴുന്നു
അറഫയിലും
പിന്നെ മിനായിലും
ആത്മശുദ്ധി ച്ചുരത്തിത്താ
ഉടയോനെ
സകലവും നിന്നില്‍
അര്‍പിക്കുന്നു ഞാന്‍
നീ ഏകനാണ്
നിനക്കാണ് സര്‍വ ശക്തിയും
സകല ചരാചരങ്ങളും
സ്തുതിയര്‍പിക്കുന്നു നിന്നില്‍
നിന്നെയറിയാന്‍ കഴിവേകണേ
ഖലീല്‍ ഇബ്രാഹിം ത്യാഗവും
ഹാജറക്കേകിയ
സംസവും സഫ മര്‍വയും
സ്മരിക്കുന്നു ഞങ്ങള്‍
ആശകളും വികാരങ്ങളും
നിനക്കുവേണ്ടി ബലികഴിക്കുന്നു
പിന്നെ ബലി മൃഗത്തേയും.

Published in Malayalam News, Jeddah, KSA on 2010 November 14 Sunday